周粼门前乌龙，沈帅：＂别怪他~~别怪他． ．．＂ 中超第三轮，越秀山广州０－１陕西

中超第三轮，广州队翻到主场越秀山。虽然踢 到咁上下就落起咗雨，但球迷依然冒雨睇波。 但係踢到出黎嘅成绩就确实强差人意喇。。。 呢场波係广州队重返顶级联赛嘅第一个主场， 偏偏就係呢场黎输。

周麟嘅乌龙，唔怪得佢嘅，毕竟个波快成咁（ 佢自己都咁讲），係咪？

第三轮踢完喇，广州队成绩中游，１胜１和１ 负净剩１球积４分排名第９。

等咗成晚， 等三点七广药客场挑战深圳。开波之前就郁闷 咯，冇所事事。几经辛苦终于等到开波喇，先 发现死人广东体育冇咗粤语评述！本来平时都 比较钟意睇广州竞赛台听钟毅同袁俊晖讲波， 不过碍于网络电视就广东体育比较易揾而取易 舍难。殊不知班乞衣呢云连粤语评述都冇埋咁 小西！冇计啦，揾呀揾，我谂都係天有眼喇， 畀我揾到个21cn控件嘅竞赛台。搞得黎， 都已经开咗波成十几分钟喇，睇睇个场，Ｄ气 势比起越秀山差得远。可能深圳近啦，班大联 盟方阵成班去咗深圳，唔同上轮过去武汉咁， 得嗰小鸡两三只。本身当地都有唔算少嘅球迷 ，不过离算多就还差甚远。好喇，讲下场波先 啦，广州就先开记录啦，由Ｈｏｓｅ禁区入面 接应徐亮任意球一头顶入。但係入咗波之后就 十分被动喇，本身广州Ｄ人身体条件就冇深圳 咁好，特别Ｄ后卫，人哋嘢嘢斩个波，九楼咁 高跌落黎，佢班友嘢嘢落点都唔够人争！咁久 而久之，畀放多你几次高波，终于临完场几分 钟就畀人追平喇。啫冇閪话我马后炮啦，其实 阿沈指导摆得个３－４－３就梗係求攻架喇， 边有话摆个３－４－３黎守咁唔合逻辑架啫！ 最终都係咁喇，一比一，广东打比两队握手言 和。

就因为分自修project嘅关系，今日走 咗去八大道买打印机墨盒。好喇，墨盒买完喇 ，咁就掉转头翻归啦。咁就行行下，见到一位 婆婆同一个带住三个细路嘅阿婶。三个细路有 两个女仔，一个ＢＢ。两个小女孩大约３，４ 岁到啦，睇落个样好似，按正路就应该係孪生 嘅。咁讲翻阿婆，佢望住个ＢＢ，流嗮口水， 睇佢个样，就知佢几恨抱孙。阿婆依然係望住 个ＢＢ，问："ＢＢ几大喇？"咁个阿妈就答 啦，"细佬５个月大囖！"跟住其中一个小女 孩就插嘴喇："细佬５个月大喇，细佬生牙牙 喇！"个小女孩讲得十分之得意，文字基本上 係好难形容嘅嗰种得意。小女孩嘅一句说话搞 到周围嘅人都哈哈笑。同样多係答阿细佬５个 月大，个阿妈就冇个女咁氽得人高兴喇，咁当 然啦，如果个阿妈用好似个女嘅语调讲嘢咁就 认真得人惊喇。